لە گەرمیان مردن بە رووداوی هاتوچۆ لە پارساڵ کەمترە

964+

هونەر فارس – گەرمیان

بەراورد بە شەش مانگی یەکەمی ساڵی رابردوو، ئاماری مردن بە هۆی روداوی هاتوچۆوە لە گەرمیان کەمی کردوە، بەڵام روداوەکان لە زیادبوندان.

شەش مانگی یەکەمی ساڵی 2022، لە گەرمیان 24 هاوڵاتی بەهۆی روداوی هاتوچۆوە گیانیان لەدەستداوە، بەڵام ئامارەکە لە شەش مانگی سەرەتای ئەمساڵدا بۆ 17 گیانلەدەستدان کەمیکردووە.

“پێچەوانەی کەمبونەوەی مردن بەهۆی رووداوی هاتوچۆوە، ئاماری رووداو و بریندار بە بەراورد بە شەش مانگی ساڵی رابردوو لە هەڵکشادایە”.

بە گوێرەی ئامارێکی بەڕێوەبەرایەتیی هاتوچۆی گەرمیان، کە تایبەت بە 964 دراوە، کۆی رووداوەکانی شەش مانگی ئەمساڵ 220 رووداوی هاتوچۆ هەبوە و لە کۆی رووداوەکانیشدا 297 کەس بریندار بوون، بەڵام لە نیوەی یەکەمی ساڵی 2022دا تەنیا 176 روودای هاتوچۆ تۆمارکراون، لەگەڵ برینداربوونی 242 هاوڵاتی.

پێداچوونه‌وه‌: فه‌رهاد حه‌سه‌ن