250 کیلۆ لیمۆی خراپ بوو دەستی بەسەردا گیرا

964+

توانا نەقی

ئەمڕۆ شەممە لە عەلوەی کەلار لە لایەن لیژنە هاوبەشەکانی قایمقامیەتەوە دەست بەسەر بڕێکی زۆر لیمۆی خراپبوودا گیرا.

لیمۆ خراپبووەکە کەڕوو لێی داوە و بە هیچ شێوەیەک کەڵکی خواردنی نەماوە.

هەردی  سەرکەوت، وتەبێژی قایمقامیەتی کەلار بە 964ـی راگەیاند، ئەوان وەک قایمقامیەت لیژنەیەکی تایبەتیان بە عەلوەی کەلار هەیە و هەموو رۆژێک دەچنە ئەوێ بۆ پشکنین.

وتیشی، ئەو لیمۆیەی دەستی بەسەردا گیراوە بڕەکەی 250 کیلۆ بووە و پسولەی سەرپێچی بۆ خاوەنەکەی کراوە و لیمۆکەش لەناو دەبرێت.

لەناو لیژنە هاوبەشەکانی قایمقامیەتی کەلاردا، لیژنەیەکی تایبەت بە عەلوە هەیە و هەموو بەیانییەک سەردانی عەلوە دەکەن و لە سەرجەم سەوزە و میوەکانی عەلوە ورد دەبنەوە و پشکنینی بۆ دەکەن.