ئاگرەکەی چیای گەلی دێرکێ لە دهۆک تائێستا کۆنترۆڵ نەکراوە
964+
زەید کۆچەر- دهۆک
ئاگرێکی گەورە لە چیای گەلی دێرکێ لە دهۆک کەوتووەتەوە و تاوەکو ئیستا بەردەوامە و کۆنترۆڵ نەکراوە
بێوار عەبدلعەزیز، بەرپرسی راگەیاندنی بەرگری شارستانی دهۆک بە 964ی وت، لە کاتژمێر 2:00ـی دوای نیوەڕۆ ئاگرێکی گەورە چیای گەلی دێرکێی گرتووەتەوە و تاوەکو ئیستا کۆنترۆل نەکراوە و ئاگر لە پوش و پەڵاشی چیاکە کەوتووەتەوە و لە ئیستادا گشت تیمەکانی بەرگری شارستانی سەرقالی کۆنترۆل کردنین.
وتیشی، بە سەرپەرستی بەڕێوەبەری بەرگری شارستانی دهۆک عەمید حەسەن خۆرشید و تیمی بەرگری شارستانی لە بنکەکانی نزارکێ و بەرۆشکی و دهۆک و و مالتا و گرێ باسێ بە هەمانهەنگی لەگەل تیمی فڕۆکەوانی پارێزگای دهۆک و پێشمەرگەی فەرماندەی پاراستنی ژینگە سەرقالی کۆنترۆڵ کردنەوەی ئاگرەکەن و تاوەکو ئیستا بەردەوامە،تا ئێستا نازانرێت هۆکاری کەوتنەوەی ئاگرەکە چییە.
پێداچوونەوە: توانا نەقی
