هیچ شتێك نەگۆڕاوە
ئەمڕۆ پیاز بە 500 و تەماتە 750 بكڕن
964+
كوردستان ئەحمەد
لە دووەم رۆژی جەژندا پیاز بە 500 دینار و تەماتە بە 750 و خەیار بە 1000 دینار بكڕن.
نرخی پێداویستییەکانی رۆژانە لە بازڕەكانی كوردستاندا لە دووەم رۆژی جەژندا دیاریکراون، قایمقامیەتەكانیش داوا دەكەن لە هەر شوێنێك نرخەكە بەرزكرایەوە پەیوەندیان پێوە بكەن و دەستبەجێ شوێنەكە دادەخەن.
ئەحمەد مستەفا، پەیامنێری964 لە بازاڕی سلێمانی پرسیاری لە فرۆشیارەكان كردووە، نرخەكان وەك یەكەم رۆژن و نەگۆڕاون، ئێستا پیاز بە 750 لیمۆ 2000 تەماتەی کوردی 1250 تەماتەی هاوردە 750 خەیاری کوردی 1000 پەتاتە 750 یە لە بازاڕی سلێمانیدا.
ئەم نرخانە تەنیا 250 دینار لە نرخی عەلوە زیاترن، ئەوەش نرخی هەقدەست و گواستنەوە و كرێیە لەگەڵ هەندێك قازانجی دوكاندارەكە.
شۆڕش هەركی پەیامنێری 964 لە بازاڕی هەولێریش پرسیاری نرخەكانی كردووە، لەوێش نرخەكان بەم شێوەیەن
تەماتە بە 500 دینار و پیاز بە750 دینار و خەیار 1000 دینارە.
لە هەندێك شوێن بە تایبەتی لە ماركێت و مۆڵەكان نرخەكان دەگۆڕێن و هەندێك نرخ زیاتر بەرزدەبەنەوە.
نرخی كەلوپەل و شمەكەكانیش لە دهۆك بە هەمان شێوەن، هێڤی دێوالی پەیامنێری 964 لە بازاڕی دهۆك پرسیاری كردووە، دەڵێت، پەتاتە بە 750دینار و خەیار بە1000 دینار و تەماتەش بە 500 دینارە.
تەماتە و پەتاتە و خەیار و پیازیش لە پارێزگای هەڵەبجە بە هەمان نرخە، محەمەد عومەر لەگەڵ چەند دوكاندارێك قسەی كردووە.
نرخەكان بەپێی جۆرەكەیان دەگۆڕێت، هەندێك جۆری كاڵا هەیە چەند جۆرێكی هەیە، وەك تەماتە كە خۆمانەكەی گرانترە و ئەوەشی كە هاوردە دەكرێت، هەرزانترە.