دیمهنێك له ئهمبوڵانسهكانى قهزاى كۆیه لهكاتى ئهركهكانیاندا.. وێنه: 964+
راپه‌ڕین.. بیناى كرده پزیشكییه‌كان دروست ده‌كرێت
964+
فه‌رهاد حه‌سه‌ن
له ئیداره‌ى سه‌ربه‌خۆى راپه‌ڕین بڕیاری دروستكردنى بیناى كرده پزیشكییه‌كان ده‌رچووه‌و بۆ ئه‌مه‌ش بودجه ته‌رخان كراوه‌و له داهاتوویه‌كى نزیكدا ده‌ست به دروستكردنى ده‌كرێت.
كرده پزیشكییه‌كان هه‌موو ئه‌و ناوه‌ند و ئامێر و ئامراز و پێداویستیه ته‌ندروستییانه ده‌گرێته‌وه كه تایبه‌تن به خزمه‌تگوزارییه‌كانى فریاكه‌وتن و ئه‌و به‌ش و وه‌رشانه‌ش ده‌گرێته‌وه كه تایبه‌ت به چاككردنه‌وه‌ى ئامێر و ئامرازه‌كانى فریاكه‌وتن.
به‌پێی بڕیارێكى وه‌زاره‌تى دارایی و ئابوورى بڕى 83 ملیۆن و 401 هه‌زار و 160 دینار بۆ ئه‌و پڕۆژه‌یه ته‌رخان كراوه.
ته‌ها محه‌مه‌د، به‌ڕێوه‌به‌رى راگه‌یاندن و په‌یوه‌ندییه‌كانى به‌ڕێوه‌به‌رایه‌تى ته‌ندروستى گشتى راپه‌ڕین، به 964 ـى راگه‌یاند، بیناى بنكه ته‌ندروستییه‌كان له‌سه‌ر بودجه‌ى وه‌زاره‌تى ته‌ندروستى دروستده‌كرێت.
وتیشی “ته‌واوى رێكاره‌كانى ته‌واو كراون و له داهاتوویه‌كی نزیكدا ده‌ست به دروستكردنى ده‌كرێت”.
