ستافی ئامادەکردنی خواردن لە دەستەی حەج و عومرەی عێراق. فۆتۆ: دەستەی حەج و عومرەی عێراق
لە سعودیە 45 حاجی عێراقی ژەهراوی بوون
964+
هاوبەش ئەبوبەکر
لە سعودیە 45 هاوڵاتی عێراقی، کە بۆ بەجێگەیاندنی فەریزەی حەج چوونەتە ئەو وڵاتە، بەهۆی ژەمە خواردنێكەوە ژەهراوی بوون.
ئەمڕۆ هەینی، میدیا عێراقییەکان ڤیدیۆی ساتی گواستنەوەی حاجییەکانیان بۆ نەخۆشخانە بڵاوکردووەتەوە و دەڵێت، بەهۆی ئەو ژەمە خواردنەوە ژەهراویبوون کە لەلایەن دەستەی حەج و عومرەوە پێشكەشیان كرابوو.
بەپێی زانیارییەکان، حاجییەکان دوێنی پێنجشەممە 22.6.2023، لە هۆتێل پیرڵ لە مەککەی پیرۆز پاش نانخواردنی ئێوارە ژەهراویبوون.
سەرچاوەیەک کە قسەی بۆ میدیا عێراقییەکان کردووە دەڵێت، حەوت حاجی لە نەخۆشخانە ماونەتەوە و ئەوانی دیکە بەهۆی باشبوونی رەوشی تەندروستییان، نەخۆشخانەیان جێهێشتووە.
بەپێی ئاماری وەزارەتی حەج و عومرەی سعودیە، زیاتر لە یەک ملیۆن کەس لە دەرەوەی وڵاتەكه‌وە بۆ بەجێهێنانی فه‌ریزه‌ی حەج روویان له سعودیه كردووه.