دووکارمەندی کارەبای هەڵەبجە لە کاتی ئەرکدا.وێنە: کارەبای هەڵەبجە
بەفیڕۆچوونی کارەبا 40٪ کەمبووەتەوە
وەزارەتی کارەبا: یەک ملیۆن و 300 هەزار پێوەری زیرەک بەستراون
964+
هاوبەش ئەبوبەکر
وەزارەتی کارەبای ھەرێم رایگەیاند، تائێستا یەک ملیۆن و 300 ھەزار پێوەری زیرەکی کارەبا بەستراون و بەوهۆیەوە بەفیڕۆچوونی کارەبا بەڕێژەی سەدا 30 تا سەدا 40 کەمبووەتەوە.
وەزارەتی کارەبا، رۆژی یەکشەممە لە زاری کامیل قەزاز بریکاری وەزارەتەوە رایگەیاند، تا ئێستا بە رێژەی سەدا 92 هەموو هاوبەشانی کارەبا پێوەری زیرەکیان بۆ بەستراوە.
“بە رێژەی 92%ـى پرۆژەى پێوەرى زیرەک بۆ کۆنتڕۆکردن و بە ئەلکترۆنیکردنى کارەبا تەواو بووە و سوتانى محاویلەكانى دابەشكردنى كارەبا بەهۆی پێوەری زیرەکەوە زۆر کەمی کردووە”، بریکاری وەزارەتی کارەبا وای وت.
دەشڵێت، ئێستا خواست لەسەر بەکارھێنانی کارەبا گەیشتوەتە چوار ھەزارو 541 مێگاوات، لە کاتێکدا بەھۆی پرۆسەی چاککردنەوەوە ئاستی بەرھەمھێنان ئێستا تەنیا سێ ھەزارو 500 مێگاواتە.
کامیل قەزاز راشیگەیاند، لە وەرزی ھاویندا خواستی بەکارھێنانی کارەبا لەلایەن ھاوڵاتیانەوە بۆ شەش ھەزار مێگاوات بەرزدەبێتەوە.