دیمهنى داخستنى رێگاى پردهكه. وێنه: رێگاوبانى سلێمانى
10 رۆژى تر پرده‌كه‌ى ناڵپارێز چاكده‌كرێته‌وه
964+
فه‌رهاد حه‌سه‌ن
بڕیاره تا 10 رۆژى تر پرده‌كه‌ى ناڵپارێز چاكبكرێته‌وه، دواى ئه‌وه‌ى ماوه‌یه‌ك به‌هۆى بوونى كێشه له پلێته‌كانیدا داخرابوو.
له‌لایه‌ن تیمەکانی بەڕێوەبەرایەتی چاککردن و پاراستنی رێگاوبانی سلێمانی به هاوكارى پۆلیسی هاتوچۆی پێنجوێن دەستكراوه بەچاككردنه‌وه‌ى ئه‌و پرده و له ئەمڕۆشه‌وه پرده‌كه‌یان به‌ڕووی شۆفێران داخستووه.
رێگاوبانى سلێمانى بڵاویكردووه‌ته‌وه، چاککردنەوەکە بە گوژمەی 54 ملیۆن و 600 هه‌زار دینار جێبەجێ دەکرێت.
ئاماژه‌ى به‌وه‌شداوه، ماوەی کارکردن تەنیا 10 رۆژە و لەبەر پێویستی رێگاکە بەشێوەی 24 کاتژمێری کارکردن تێیدا بەردەوام دەبێت.
