نرخی نەوت دابەزی
+964
كوردستان ئەحمەد
نرخی نەوت بەراورد بە دوێنێ 79 سەنت دابەزی و چاودێرانی جیهانیش دەڵێن زیاتر دادەبەزێت.
دوێنێ یەك بەرمیل نەوتی خاوی برێنت بە 77 دۆلار و 29 سەنت بوو، ئەمڕۆ هەمان جۆر بە 76 دۆلار و 50 سەنتە.
رۆژی شەممە، رێكخراوی ئۆپیك پڵەس كۆبوەوە و رایگەیاند، یەك ملیۆن و 400 هەزار بەرمیل كەم دەکاتەوە، ئەمەش نرخی نەوتی دابەزاند.
بەشی شیكردنەوە ئابوریەكان لە ماڵپەڕی ئابوری بلۆمبێرگ دەڵێن، لەبەر ئەوەی خواست لەسەر نەوت كەمی كردووە ئەگەری هەیە زیاتر برێنت دابەزێت.
سعوودیە و رووسیا پێكەوە بەرهەمێنانی نەوتی ئۆپیك پڵەس بۆ500 هەزار بەرمیل نەوت كەمدەكەنەوە لە رۆژێکدا، بۆ ئەوەی جێگیریی لە نرخی نەوتدا دروست ببێت، ئەم دوو وڵاتە ئەندامە هەرە بەهێز و گەورەكانی ئۆپیك و ئۆپیك پڵەسن.