لاپۆرتا و مێسی. فۆتۆ: سۆشیال میدیا
باوكی مێسی گه‌یشته بارسێلۆنا
964+
ئه‌رسه‌لان عه‌بدوڵا
ئه‌مڕۆ دووشه‌ممه باوكی مێسی له‌گه‌ڵ خوان لاپۆرتا سه‌رۆكی یانه‌ی بارسێلۆنا، له ماڵی سه‌رۆكی یانه‌كه كۆبوونه‌وه، بۆ ئه‌وه‌ی باس له گه‌ڕانه‌وه‌ی مێسی بۆ بارسا بكه‌ن.
له باره‌ی گه‌ڕانه‌وه‌ی مێسی بۆ یانه‌كه‌ی، لاپۆرتا رایگه‌یاندووه، هه‌موو توانای خۆیان ده‌خه‌نه‌گه‌ڕ بۆ گه‌ڕاندنه‌وه‌ی.
چاودێران ده‌ڵێن، لاپۆرتا بابه‌تی گه‌ڕانه‌وه‌ی مێسی بۆ بارسا ده‌خاته ملی یاریزانه‌كه، به‌وه‌ی ئه‌گه‌ر نه‌گه‌ڕایه‌وه، بڵێن مێسی به‌و پاره‌یه رازیی نه‌بووه، كه یانه‌كه بۆی داناوه.
لاپۆرتا له 2021 له كاتی هه‌ڵبژاردنه‌كانی یانه‌كه‌دا هه‌مان یاریی كرد و وتی، كار بۆ هێشتنه‌وه‌ی مێسی ده‌كه‌ن، به‌ڵام دوای ده‌رچوونی به سه‌رۆك، خۆی له بابه‌ته‌كه نه‌كرده خاوه‌ن و وتی رایگه‌یاند پێویستیان نییه.
مێسی دوو رۆژ له‌مه‌وبه‌ر رۆیشتنی له یانه‌ی پاریس سانجێرمان راگه‌یاند، دوای دوو وه‌رزی سه‌رنه‌كه‌وتوو له‌گه‌ڵ یانه‌كه‌دا.