نرخی سەوزە و میوە لە بازاڕەكانی كوردستان زیادی كردووە

+964
كوردستان ئەحمەد

نرخی سەوزە و میوە لە بازاڕەكانی هەرێمی كوردستان  زیادی كردووە، تەنيا پیاز هەرزان بووە.

ژوری بازرگانیی سلێمانی نرخی سەوزە و میوەی لە عەلوەی سلێمانی دیاریكرد، بە پێی ئامارەكان نرخی سەوزە و میوە لە بازاڕەكاندا رووی لە زیادبوون كردووە، تەنیا پیاز نرخەكەی هەرزان بووە و كولەكەی خۆماڵیش زۆر گران بووە.

دوێنێ نرخی یەك كیلۆ كولەكەی كوردی خۆماڵی بە 300 دینار بووە لە عەلوە، بەڵام ئەمڕۆ یەك كیلۆ بە 500 دینارە.

ئێستا لە عەلوەی سلێمانی سێ جۆر پیاز هەیە، پیازی سوور، سپی و ورد، نرخی هەرسێكیان هەرزان بووە، ئەوە جگە لەوەی تەڕەپیازیش هەیە، نرخی یەك كیلۆ بە هەزار دینارە لە چاو رۆژانی رابردووش هەرزان بووە، كە بە هەزار و 250 دینار بوو.

عەلوەی سلێمانی لە بارەی نرخی میوەكانەوە دەڵێت زۆربەی میوەكان نرخیان لە نێوان 1000 دینار بۆ 1250 دینارە.

ژوری بازرگانیی سلێمانی رۆژانە نرخی میوە و سەوزەكان بڵاودەكاتەوە، بە پێی ئەو ئامارانە بێت نرخەكان گۆڕانكاریی زۆر گەورەیان تێدا رووی نەداوە.