لە رانیە 40 بەنزینخانە داخران

+964
ژیوار خدر- رانییە
قایمقامیەتی رانیە 40 بەنزینخانەی داخست كە مۆڵەتی كاركردنیان نەبووە و بەنزینی كوالێتی خراپیان بە هاوڵاتیان فرۆشتووە.
بەنزینخانەكان لە كابینەدان، لەسەر رێگاكان دروستكراون هیچكامیان مۆڵەتی فەرمی كاركردنیان نییە وكوالێتی بانزینەكەشیان خراپ بووە و هیچ مەرجێكی تەندروستیان نەبووە بۆ كاركردن، قایمقامیەت وادەڵێت.

ئەو بەنزینخانانە پێیان دەوترێت بەنزینخانەی كابینە و لە هەندێك شوێنیش پێیان دەڵێن بەنزینخانەی مۆبایل.

عەبدولرەحمان رەسوڵ، سەرۆكی لیژنەی سوتەمەنی قایمقامیەتی رانیە بە 964ی وت، بە بڕیاری بەڕێوەبەرایەتی نەوت و كانزاكانی سلێمانی بەنزینخانەكانیان داخستووە و رێگەنادەن جارێكی دیكە بكرێنەوە.

نرخی یەك لیتر بانزینی نۆرماڵ لە سنوری راپەڕین بە 800 دینارە و لیترێك بەنزینی محەسەن بە 1000 دینارە.
پێداچونەوە: كوردستان ئەحمەد