لە پاکستانەوە بە قاچاخ هاتن و لە کوردستان دەستگیرکران

+964

هونەر فارس

چەند کۆچبەرێکی بیانی، لە ئێرانەوە داخڵی هەرێمی کوردستان بوون و لە نێو دوو بارهەڵگردا لە قەزای دەربەندیخان دەستگیرکران.

کۆچبەرەکان ژمارەیان 16 کۆچبەرە و 14یان پاکستانین، ئەمڕۆ 27.5.2023، لە نێو دوو بارهەڵگردا کە بلۆکیان بارکردبوو، دەستگیرکران.

بە گوێرەی سەرچاوەیەک لە ئاسایشی دەربەندیخان بۆ 964 کۆچبەرەکان ویستویانە بۆ ناوەڕاست و خواروی عێراق کۆچ بکەن.

هەر بە گوێرەی ئەو سەرچاوەیە، ئەو کۆچبەرانە لە رێگەی قاچاخەوە لە سنوری نێوان پێنجوێن- ئێرانەوە، هاتوونەتە نێو هەرێمی کوردستانەوە.

بەگوێرەی زانیارییەکانی 964 کۆچبەرەکان ئێستا بە بڕیاری دادگا راگیراون.

پێداچوونەوە: ئەرسەلان عەبدوڵا