رەشەبا کارەبای لە 30 گوند بڕی
964+
میلاد جەلال
شەوی رابردوو بەهۆی بەهێزی رەشەباوە نزیکەی 30 گوندی سنوری شەمێران و قەرەداغ لە پارێزگای سلێمانی کارەبایان پچڕاوە و بە تاریکی رۆژیان کردووەتەوە.
وێستگەی کارەبای دەربەندیخان کارەبای نزیکەی 57 گوند دەدات، بەڵام شەوی رابردوو دەورووبەری کاتژمێر 11ی شەو، بەھۆی بەھێزی رەشەباکە و دروستبوونی شۆرت و پچڕانی سیمەکان کارەبای نزیکەی 30 گوندیان کوژاوەتەوە.
باست عەزیز بەڕێوەبەری دابەشکردنی کارەبای دەربەندیخان بە تۆڕی 964ى وت، سەرباری ئەوەی ئەمڕۆ پشوو بووە، بەڵام تیمەکانیان لە کاتژمێر 6ی بەیانیەوە دەستیان بە چاککردنەوەی کارەبای ئەو گوندانە کردووە.
ئاماژەی بەوەشکرد، کارەبای ھەر 30 گوندەکەیان چاککردووەتەوە و ئێستا ئیتر بێ کارەبا نین.