وێنەی سستمی چیلەر کە بۆ نەخۆشخانەی رۆژئاوای هەولێر دانرا وێنە: پارێزگای هەولێر
نەخۆشخانەی فریاکەوتنی رۆژئاوای هەولێر خۆی لە گەرمای هاوین رزگار کرد
964+
فەهمی نەبی
نەخۆشخانەی فریاکەوتنی رۆژئاوای هەولێر سیستمی ساردکەرەوەی نەخۆشخانەکەی گۆڕی و کردی بە سیستمی چیلەر.
سیستمی ساردکەرەوەی چیلەر کار لەسەر هەڵمژینی گەرمی بە شێوەیەکی خێرا دەکات و سەرجەمی کەلوپەلەکانی باڵەخانەیەک بە ساردی پلەی جێگیر دەهێڵێتەوە.
ئەمڕۆ سێشەممە، پارێزگای هەولێر رایگەیاند، لەسەر ئەرکی پارێزگا و بە گوژمەی 230 ملیۆن دینار سیستمی چیلەر بۆ نەخۆشخانەی فریاکەوتنی رۆژئاوای هەولێر دانراوە.
سیستمی چیلەر لە رێگەی کۆمپرێسەری گەورەوە کار دەکات، بۆ فێنکردنەوەی باڵەخانەی بەرز، مۆڵ و نەخۆشخانەکان سوودی زۆری هەیە، هەر چیلەرێک لە توانایدایە 400RT تۆن ساردی دابین بکات.
ئەو سیستمە لە رێگای بۆرییەوە هەڵم یان ئاوی تێدا بەکاردێت، لە رێگەی سووڕانەوەی ئاو یان هەڵم باڵەخانە و شوێنە فراوانەکان فێنک دەکاتەوە.