وێنەی تۆمەتبارەکە و ئەو پارە و کەرەستانەی دەستیانبەسەردا گیراوە. فۆتۆ: پۆلیسی سلێمانی
لە هەولێر کەسێک لەسەر دزینی 300 ملیۆن دینار دەستگیر کرا
964+
هاوبەش ئەبوبەکر
پۆلیسی سلێمانی و هەولێر کەسێکیان بە تۆمەتی دزینی 300 ملیۆن دینار، بڕێك ئاڵتون و “كەرەستەی گرانبەها” دەستگیر کرد.
ئەمڕۆ سێشەممە، پۆلیسی سلێمانی لە فەیسبوک رایگەیاند، تۆمەتبارەکە لە شاری هەولێر دەستگیر کراوە و هاوڵاتییەک سکاڵای لەسەر تۆمارکردووە.
تۆمەتبارەکە کوردە و تەمەنی 25 ساڵە، پۆلیس دەڵێت دانی بەتاوانەكەیدا ناوە و بە بڕیاری دادوەر بەپێی ماددەی 443 راگیراوە.
لەكاتی دەستگیركردنی تۆمەتبارەکەدا، دەستگیراوە بەسەر بڕی 300 ملیۆن دینار و بڕێك ئاڵتون و “چەند پارچە كەرەسەتەیەكی گرانبەهادا،” پۆلیسی سلێمانی وا دەڵێت.