سبەی بەنزینی نۆرماڵ بۆ هەموو ئۆتۆمبێلێک دەبێتە 750 دینار

964+

هاوبەش ئەبوبەکر

لە سبەینێوە نرخی لیترێک بەنزینی نۆرماڵ لە هەرێمی کوردستان بۆ هەموو جۆرەکانی ئۆتۆمبێل دەبێتە 750 دینار.

هۆشەنگ سەباح، نوێنەری وەزارەتی سامانە سروشتییەكان بە تۆڕی 964ی راگەیاند، لە رۆژی دووشەممە  1.5.2023ـەوە، ئەو بەنزینە نامێنێت کە ئێستا لیترێکی بە 690 دینار و 800 دینار دەفرۆشرێت.

بەنزینەکە تەنیا تایبەت نابێت بە پاس و تاکسی، بەڵکو بە هەمان نرخ کە 750 دینارە بۆ هەر لیترێک، دەدرێت بە هەموو ئۆتۆمبێلێک.

بەهۆی دابەزینی نرخی بەنزینی نۆرماڵ، وا پێشبینی دەکرێت نرخی جۆرەکانی دیکەی بەنزینیش، کە بە موحەسەن و سوپەر ناسراون، هەرزان ببن، هۆشەنگ سەباح وای وت.

بەنزینەکە لەلایەن پاڵاوتگەکانی لاناز و کار لە هەرێمی کوردستان دابین دەکرێن.