تیمێکی شارەوانی هەولێر شەقامێکی شار پاکدەکەنەوە
شارەوانی هەولێر رۆژانی جەژن وچان نادات
964+
فەهمی نەبی
شارەوانی هەولێر رایگەیاند، رۆژانی جەژن لە پاککردنەوەی گەڕەک و شەقامەکان بەردەوام دەبن و بەشی خزمەتگوزاری شارەوانی پشووی نابێت.
ئەمڕۆ 18.4.2024 ماڵپەڕی فەرمی شارەوانی هەولێر ئەوەی راگەیاند.
شارەوانی هەولێر، بڕیاریداوە بۆ ئەوانەی رۆژانی بەر لە جەژن سەردانی گۆڕستانەکان دەکەن، کیسەی نایلۆنیان بەسەر دابەش بکات هاوکات هەڵمەتی پاککردنەوەی گۆڕستانەکان ئەنجام دەدەن.
هاوکات بڕیاری ئەوەش دراوە درەنگانی شەوی بەر لە جەژن تیمەکانی شارەوانی سەرجەم ئەو بازاڕانە بشۆن کە لە شەوانی رەمەزان کراوە بوون.
سیامەند کەریم، بەڕێوەبەری راگەیاندنی شارەوانی هەولێر بۆ 964 وتی، بڕیارە رۆژانی جەژن تیمەکانی خزمەتگوزاری پاککردنەوە بەردەوام بن بەتایبەت شەقامە سەرەکیەکان پاکدەکرێنەوە.
سیامەند کەریم ئەوەشی وت، هەر هاوڵاتیەک گلەیی لە پاککردنەوەی خزمەتگوزاری هەبوو دەتوانێت پەیوەندی بکات بە ژمارە تەلەفونی 07511624550.