پاسپۆرتی عێراق - فۆتۆ سایتی هەرێم
"كێشەی دەفتەر نەماوە"
دهۆكیەكان دوای جەژن پاسپۆرتەكانتان وەردەگرنەوە
964+
هێڤی دێوالی- دهۆک
پاسپۆرتی دهۆك داوا لە هاوڵاتیان دەكات ئەوانەی رێكاریان بۆ پاسپۆرت تەواو كردووە، دەتوانن پاسپۆرتەكەیان وەربگرنەوە.
پڕۆسەی وەرگرتنەوەی پاسپۆرتەكان تەنیا بۆ ئەو كەسانەیە كە لە مانگی 12 و مانگی یەكی ساڵی 2023 رێكارەكانیان تەواو كردووە.
سەعید ئیسماعیل، بەرپرسی راگەیاندنی پاسپۆرتی دهۆك بە 964ی وت، دوو هەزار دەفتەری پاسپۆرتیان پێگەیشتووە لە بەغداوە و لە داوی جەژنی رەمەزانەوە دەستدەكرێت بە چاپكردنی پاسپۆرتە نوێكان.
لە سێ مانگی رابردوودا كێشەی دەفتەری پاسپۆرت لە سەرتاسەری عێراقدا هەبوو، بەڵام چارەسەر كرا و ئێستا هاوڵاتیان لە هەرێمی كوردستان و تەواوی عێراق دەتوانن پاسپۆرت دەربهێنن و هیچ كێشەیەكی دەفتەری پاسپۆرت نەماوە.
پێداچوونەوە: کوردستان ئەحمەد