دوای 30 رۆژ لە بێهۆشی تەنیا توانای بینینی مابوو
964+
دیلان محەمەد – سلێمانی
دکتۆر بنار چیرۆکێکی دیکەی هەیە و لە چاوتروکانێکدا هەموو ژیانی وەستا.
کاتێک لە قۆناغی سێی کۆلێژی پزیشکی بەشی ددان دەبێت لە ساڵی 2018 رۆژێک لە هۆش خۆی دەچێت و دوای 30 رۆژ هۆشی دێتەوە، بەڵام تەنیا توانای بینینی دەبێت.
لەو کاتەدا، دکتۆرەکان دەیانوت جەڵتەی مێشکە و هیوای 5% یان هەبوو چاکببێتەوە
بنار سێ مانگ لەسەر جێگا بووە بەبێ ئەوەی بتوانێت هیچ جوڵەیەک بکات
بەڵام وردە وردە رەوشی تەندروستی باشتر بووە.
دوای دوو ساڵ دابڕان، توانی بگەڕێتەوە بۆ خوێندن و لە 2021 – 2022 بڕوانامەی پزیشکی ددانی بەدەستهێنا
ئێستا لە یەکێک لە نەخۆشخانەکانی سلێمانی پزیشکە و چارەسەری هاوڵاتیان دەکات
بنار لە هەوڵدایە ئەو نیشانە بچوکانەش نەهێڵێت کە بەهۆی نەخۆشیەکەیەوە تووشی هاتووە
ئەو ئێستا هەوڵدەدات پەیامی کۆڵنەدان بڵاوبکاتەوە، هاوکاری ئەو کەسانە دەکات کە لەسەر جێگا کەوتوون.
پێداچوونەوە: توانا نەقی