ڤالڤێردی و بانیا لە ناو یاریگە. فۆتۆ: سۆشیال میدیا
ڤالڤێردی له ده‌ره‌وه‌ی یاریگه له یاریزانێكی ڤیاڕیالی داوه
964+
ئه‌رسه‌لان عه‌بدوڵا
سه‌رچاوه‌كانی هه‌واڵ له ئیسپانیا ئاشكرایان كرد، ڤالڤێردیی یاریزانی ریال مه‌درید، له ده‌ره‌وه‌ی یاریگه هێرشی كردووه‌ته سه‌ر ئالێكس بانیای یاریزانی ڤیاڕیال و لێی داوه.
له پێشهاتێكی چاوه‌ڕواننه‌كراودا، فێدریكۆ ڤالڤێردیی یاریزانی ریال مه‌درید، شه‌وی رابردووو، دوای ته‌واوبوونی یاریی تیپه‌كه‌ی به‌رامبه‌ر ڤیاڕیال، چووته لای پاسی یانه‌ی ڤیاڕیال و چاوه‌ڕێی یاریزان ئالێكس بانیای كردووه و دواتر یاریزانه‌كه‌ی داوه‌ته به‌ر شه‌ق.
به پێی زانیاریی میدیای ئیسپانیا، بانیا له ناو یارییه‌كه قسه‌ی به ڤالڤێردی گوتووه و گاڵته‌ی به منداڵه‌كه‌ی كردووه، ئه‌مه‌ش ڤالڤێردی بێتاقه‌ت كردووه و بۆیه هێرشی كردووه‌ته‌سه‌ر و لێیداوه.
یانه‌ی ڤیاڕیال له لای خۆیانه‌وه رایانگه‌یاند هیچ سكاڵایه‌ك له‌سه‌ر یاریزانه‌كه‌ی ریال مه‌درید تۆمار ناكه‌ن، به‌ڵكو بڕیاره‌كه بۆ یاریزان بانیا جێده‌هێڵن.
شه‌وی رابردوو له لالیگای ئیسپانیا، ریال مه‌درید له یاریگه‌ی خۆیدا به 2-3 گۆڵ به یانه‌ی ڤیاڕیال دۆڕا.