سەرچاوە: لاپەڕەی قاسم ئەعرەجی لە تۆڕی کۆمەڵایەتی فەیسبوک
لیژنەکە گەیشت
عێراق لێکۆڵینەوە لە هێرشەکەی سەر فڕۆکەخانەی سلێمانی دەکات
964+
فەهمی نەبی
وەفدێکی لێکۆڵینەوەی ئاسایشی حکومەتی عێراق گەیشتنە فڕۆکەخانەی سلێمانی، بۆ لێکۆڵینەوە لەو هێرشە ئاسمانیەی ئێوارەی رۆژی هەینی کرایەسەر فڕۆکەخانەی سلێمانی.
قاسم ئەعرەجی، راوێژکاری ئاسایشی نیشتیمانی عێراق لە لاپەڕەی خۆی لە تۆڕی کۆمەڵایەتی فەیسبوک هەواڵەکەی بڵاوکردوەتەوە.
وەفدەکە نیوەڕۆی ئەمڕۆ 8.4.2023 گەیشتوونەتە فڕۆکەخانەی نێودەوڵەتی سلێمانی، لەسەر راسپاردەی محەمەد شیاع سودانی سەرۆک وەزیرانی عێراق، ئەو لیژنەیە پێکهێنراوە.
لیژنە ئاسایشیەکەی عێراق لەلایەن قاسم ئەعرەجی راوێژکاری ئاسایشی نیشتیمانی عێراق سەرپەرشتی دەکرێت، هاوکات عەبدولوەهاب ساعیدی سەرۆکی دەزگای دژە تیرۆری عێراق ئەندامی لیژنەکەیە.
ئێوارەی هەینی 7.4.2023 هێرشێکی موشەکی کرایە سەر فڕۆکەخانەی نێودەوڵەتی سلێمانی، بەپێی راگەیەنراوی پارێزگای سلێمانی، هیچ زیانێکی گیانی نەبووە.