“لە هەرگۆشەیەكەوە سەیردەكەیت كۆمەڵێك بەتەمەن دانیشتون یاری دەكەن”
باخی گشتی رانیە ماڵی دووەمی بەتەمەنەكان
+964
ژیوار خدر- رانییە
لە رانییە باخێكی گشتی هەیە، بوەتە شوێنی كۆبوونەوەی بەتەمەنەکانی شارەكە و گفتوگۆ و یاری تێدادەكەن.
باخەكە دەكەوێتە دەروازەی شاری رانییە، بەشێكی زۆر لە هاوڵاتیانی بەتەمەنی شارەكە ئێواران لە باخچەكەدا كۆدەبنەوە و یاری دۆمینە و تاوڵە و شەترەنج دەكەن.
لە ژێر دار و لە سەر چیمەن و سەوزایی باخەكە بە كۆمەڵ كۆدەبنەوە و هەموو باسوو خواستێك دەكەن.
مام یوسف، هاوڵاتییەكی بە تەمەنی رانیەیە، تەمەنی 80 ساڵە قسەی بۆ 964 كردووە و دەڵێت: زۆر مورتاحە لە باخەكە و پێی باشە كاتەكانی زیاتر لەوێبەسەر ببات تا لەماڵەوە.