دەڵێت پایسکل دۆستی ژینگەیە
تەمەنی 80 ساڵە و بە پایسکل هاتوچۆ دەکات
+964
شۆڕش هەركی – هەولێر
مام رەشید هاوڵاتیەكی بەتەمەنی شاری هەولێرە، ئێستا تەمەنی 80 ساڵە و هەر لە منداڵییەوە بە پایسكل هاتوچۆ دەكات.
بە قسەی خۆی، لە سەردەمی گەنجێتیدا مام رەشید هەر لە رێگەی پایسكلەوە كارەكانی خۆی کردووە، لە کاتێکدا خەڵكی بە وڵاخ و گوێدرێژ هاتوچۆیان کردووە.
تەندروستییەكی زۆر باشی هەیە و داوا لە خەڵكی دەكات ئەوانیش پایسكل بەكاربهێنن.
لە ماوەی رابردوودا دووجار ئۆتۆمبێل لێیداوە، بەڵام هەر دەستبەرداری پایسكلەكەی نابێت و دەڵێت دۆستی ژینگەیە و زۆری خۆشدەوێت.