نزیكه‌ی تۆنێك زه‌نجه‌بیل و شلك له‌ناو ده‌برێن
964+
ئه‌رسه‌لان عه‌بدوڵڵا
قایمقامیەتی ناوه‌ندی سلێمانی رایگه‌یاند، (500) کیلۆگرام زەنجەبیل و (300) کیلۆگرام شلکی خراپبوو لەناو دەبات و خاوه‌نه‌كانیشیان سزا ده‌دات.
ئەمڕۆ شەممە 25.3.2023 قایمقامیەتی ناوه‌ندی سلێمانی بڵاوی كرده‌وه، لە راپۆرتی لیژنەی گومرگی سه‌وزه و میوه “عەلوە” ئاماژە بەوە کراوە، بەهۆی خراپی و نەشیاوی بۆ خواردن، لیژنەکە دەستی بەسەر بڕی (500) کیلۆگرام زەنجەبیل و (300) کیلۆگرام شلکی خراپبوودا گرتووه، کە خاوەنەکانیان بە نیازبوون لە بازاڕەکاندا ساغی بکەنەوە.
ئاماژه‌یان به‌وه‌ش كردووه، بە فەرمانی قایمقامی سلێمانی تەواوی زەنجەبیل و شلکەکە، كه نزیكه‌ی تۆنێك ده‌بن، لە ناوچەی دەرەوەی نیشتەجێبون لەناودەبرێن و خاوەنەکانیشیان رووبەڕووی رێکاری یاسایی دەکرێنەوە.