وێنە هێڵی ئاسمانی عێراقی
عێراق سێ فڕۆکەی نوێی لە ئەمریکا کڕی
964+
فەهمی نەبی
هێڵی ئاسمانی عێراق رایگەیاند، بۆ یەکەمجارە لە مێژووی عێراقدا، سێ فڕۆکەی ئەمریکی جۆری بۆینگ رۆژی یەکشەممە دەگەنە هێڵی ئاسمانی عێراق.
ئەمڕۆ 24.3.2023 هێڵی ئاسمانی عێراقی رایگەیاند، سێ فڕۆکەی جۆری B737- 8 MAX لە فڕۆکەخانەی کۆمپانیای دروستکەری Boeing Field لە شاری سیاتل-ی ئەمریکا دەفڕن بۆ فڕۆکەخانەی Keflafik لە ئایسلەندا.
ئەو گواستنەوەیە بە هاوبەشی تیمێکی کۆمپانیاکە و تیمێکی عێراقی دەبێت.
لە هەواڵەکەی هێڵی ئاسمانی عێراقی ئەوەش هاتووە، ئەو سێ فڕۆکەیە رۆژی یەکشەممە دێنە ئاسمانی عێراق، بەبێ ئەوەی ئاماژە بە تێچووی کڕینی فڕۆکەکە بکرێت.
