كۆشكی سپی: ساڵانە 300ملیۆن كەس نەورۆز پیرۆز دەكەن

+964
كوردستان ئەحمەد- هەولێر

بەبۆنەی نەورۆزەوە كۆشكی سپی، بابەتێكی بڵاوكردوەتەوە سەرەڕای پیرۆزبایی لە گەلانی جیهان دەڵێت، ساڵانە 300 ملیۆن كەس ئاهەنگ بۆ جەژنی نەورۆز دەگێڕن و پیرۆزی دەكەن..

لەگەڵ نووسینەكەدا، کە لە ماڵپەڕی فەرمیی کۆشکی سپی بڵاوبووەتەوە، ژمارەیەك وێنەی رەنگاورەنگی داناوە، وێنەی هێلكە، گوڵ، خورما، كتێب، مۆم، سێو، نێرگز و ئاو دانراوە.

كۆشكی سپی دەڵێت: خەڵكی بە گەرمی پێشوازی لە جەژنی سەری ساڵی نوێ دەكەن و پێیدەڵێن نەورۆز، ئیدارەی بایدن پیرۆزبایی هاتنی نەورۆز لە هاوڵاتیان دەكات.

نەورۆز، کە جەژنی نەتەوەیی کوردە، سەرەتای ساڵی نوێی کوردییە و هاتنی بەهار و سەوزبوونی گەڵا و گوڵ و دار و ئاوەدانییە، بۆیە ملیۆنان كەس پیرۆزبایی هاتنی نەورۆز دەكەن.