وەزارەتی دارایی
تەنیا یەک رۆژ دابەشکردنی موچە دەوەستێت
964+
فەهمی نەبی
وەزارەتی دارایی رایدەگەیەنێت لەرۆژانی پشووی نەورۆز دابەشکردنی موچە بەردەوام دەبێت، بەگوێرەی راگەیەنراوەکەی وەزارەتی دارایی بێت تەنیا 21ی ئادار موچە دابەشناکرێت.
وەزارەتی دارایی و ئابوری حکومەتی هەرێم ئەمڕۆ 20.3.2023 رایگەیاند، سەرجەم ئەو بانکانەی موچەی لێ دابەشدەکرێت لە رۆژانی پشووی نەورۆز کراوە دەبن.
بەپێی راگەیەنراوەکەی وەزارەتی دارایی رۆژانی چوارشەممە و پێنجشەممە واتا 22-23.3 موچە دابەشدەکرێت و تەنیا رۆژی 21ی مانگ موچە دابەشناکرێت.
رۆژی چوارشەممە هەریەکە لە وەزارەتی داد، ئەنجومەنی دادوەری، مافی مرۆڤ، دەستەی دەستپاکی، دەستەی وەبەرهێنان و دیوانی چاودێری دارایی موچە وەردەگرن.
رۆژی پێنجشەممە هەریەکە لە وەزارەتەکانی ئەوقاف و کاروباری ئاینی، دەتەی ژینگە، دەزگای مین، ناوچەکانی دەرەوەی هەرێم و کۆمسیۆنی باڵای هەڵبژاردن موچەی مانگی شوبات وەردەگرن.
رۆژی 8ی ئەم مانگە وەزارەتی دارایی خشتەی دابەشکردنی موچەی راگەیاند و وەزارەتی تەندروستی وەک یەکەم وەزارەت موچەی وەرگرت.