ئەمساڵ 16 کەس بەهۆی تای خوێنبەربوونەوە گیانیان لەدەستداوە

ئەحمەد مستەفا

بەپێی ئاماری وەزارەتی تەندروستیی عێراق بێت لە سەرەتای ساڵی 2026ەوە تا ئێستا 219 حاڵەتی تووشبوون بە تای خوێنبەربوون تۆمارکراون و 16 حاڵەتی گیانلەدەستدانیش بەهۆی پەتاکەوە تۆمارکراوە.

سەیف بەدر وتەبێژی وەزارەتەک ئاماژەی بەوەداوە، تەنیا لە هەفتەی کۆتایی ئەم مانگە 23 تووشبوونی نوێ و 3 حاڵەتی گیانلەدەستدان تۆمارکراون.

وتەبێژی وەزارەتی تەندروستی عێراق دەڵێ، تیمەکانی چاودێریی پەتایی و دامەزراوە تەندروستییەکان بە هەماهەنگی لەگەڵ لایەنە ڤێتێرنەری و چاودێرییەکان، رۆژانە بەدواداچوون بۆ دۆخی پەتای تای خوێنبەربوون لە سەرجەم پارێزگاکاندا دەکەن.

داتاکە بەمجۆرە بووە؛

1-زیقار: 101 تووشبوو، 8 گیانلەدەستدان.

2-واست: 12 تووشبوو، 2 گیانلەدەستدان.

3-بابل: 10 تووشبوو، 2 گیانلەدەستدان.

4-موسەننا: 19 تووشبوو، 1 گیانلەدەستدان.

5-بەسرە: 19 تووشبوو، 1 گیانلەدەستدان.

6-دیالە: 12 تووشبوو، 1 گیانلەدەستدان.

7-بەغداد بەری کەرخ: 4 تووشبوو، 1 گیانلەدەستدان.

8-میسان: 17 تووشبوو.

9-بەغدا بەری رەسافە: 10 تووشبوو.

10-نەینەوا: 8 تووشبوو.

11-سەڵاحەدین: 3 تووشبوو.

12-کەرکوک: 3 تووشبوو.

13-کەربەلا: 2 تووشبوو.

14-هەولێر: 2 تووشبوو.

15-سلێمانی: 2 تووشبوو.

16- نەجەف: 2 تووشبوو.

17- دیوانییە: 1 تووشبوو.

18- ئەنبار: 1 تووشبوو.