.هەڵبژاردەی لاوانی عێراق فۆتۆ: پەیجی فیدراسیۆنی عێراق
ئه‌مڕۆ عێراق چاوی له جامی ئاسیایه
964+
ئه‌رسه‌لان عه‌بدوڵڵا
له یاریی كۆتایی جامی لاوانی ئاسیا بۆ تۆپی پێ، هه‌ڵبژارده‌ی عێراق له ناو خاكی ئۆزباكستان رووبه‌ڕووی تیپی ئه‌م وڵاته ده‌بێته‌وه و چاویشی له نازناوه‌كه‌یه.
ئێواره‌ی ئه‌مڕۆ شه‌ممه كاتژمێر 17:00، یاریی كۆتایی خولی لاوانی ئاسیا به‌ڕێوه‌ده‌چێت، كاتێك هه‌ردوو هه‌ڵبژارده‌ی لاوانی عێراق و ئۆزباكستان رووبه‌ڕوو ده‌بنه‌وه.
یارییه‌كه له یاریگه‌ی میلی له تاشقه‌ندی پایته‌ختی ئۆزباكستان ده‌كرێت، كه میوانداریی خوله‌كه‌ی كردووه.
هه‌ڵبژارده‌ی لاوانی عێراق له یاریی پێشكۆتاییدا به 5-3 گۆڵ به لێدانه‌كانی یه‌كلاكه‌ره‌وه له لاوانی ژاپۆنی برده‌وه، ئۆزباكستانیش به 3-1 گۆڵ به لێدانه یه‌كلاكه‌ره‌وه‌كان له كۆریای باشووری برده‌وه.
هه‌ڵبژارده‌ی لاوانی عێراق 5 جار بووه‌ته پاڵه‌وانی ئاسیا، دواجاریان له 2000 بوو له ژێر سه‌ركردایه‌تی راهێنه‌ر عه‌دنان حه‌مه‌د، له به‌رامبه‌ردا ئۆزباكستان هیچ جارێك نه‌بووه‌ته پاڵه‌وانی خوله‌كه.
لاوانی عێراق هه‌ر له‌و خوله‌وه به‌شداریكردنی له مۆندیالی لاوان مسۆگه‌ر كردووه.