ھەمووان ئەمڕۆ چاویان لە سەرکەوتنی یانەی شێروانەیە بۆ خولی پلە دووی عێراق

میلاد جەلال – گەرمیان

گەرمیانە و گەرمیشیان کردووە و چاویان لە سەرکەوتنی یانەی شێروانەیە بۆ خولی دووی عێراق و نەورۆزیش بە دڵ و گیان هاتووە بۆ پشتیوانی

لەیاری گەڕانەوە شێروانە لە یاریگای خۆی میوانداری یانەی دێری بەسڕەی کردووە، یانە کەلاریەکە چاوی لە بردنەوەیە بۆ گەیشتن بە خولی پلە دووی عێراق.

نێچیر رەفیق ، سەرپەرشتیاری ئۆڵتراسی نەورۆز بە 964ى وت،”ھەر یانەیەکی کوردستان پێویستی بە ئۆڵتراسی نەورۆز ھەبێت ئێمە ئامادەین تاپێمان بکرێت ھانیان دەدەین، ئەمڕۆش چاومان لە بردنەوەی شێروانەیە و تا دوا هەناسە لەگەڵییان دەبین.”.

یاریگای شێروانە پڕە لە جۆش و خرۆشی ھاندەرن، ئۆڵتراسی یانەی نەورۆز ھاتونەتە کەلار بۆ پاڵپشتی یانەی شێروانە و جۆش و خرۆشیان داوە بە یاریگا.

پێداچوونەوە: سۆما حەکیم زادە