پەمپێکی گەورەی چیمەنتۆ کەوتووەتە سەر دوو ماڵ

عەبدولعەزیز خالند – هەولێر

پەمپێکی چیمەنتۆ لە کاتی کارکردن لە قەزای عەنکاوە تووشی کێشە بووە و کەوتووەتە سەر دوو ماڵ، ئەوەی باشە زیانی گیانی نەبووە و تەنیا زیانی ماددی هەیە.

هاوکات کەوتنی پەمپەکە بووەتەهۆی زیانگەیاندن بە دوو ستوونی کارەبا و کێبڵەکانیان، بۆیە کارەبایان لەو شوێنە بڕیوە.

بەڕێوبەری کارەبای قەزای عەنکاوە ئیدریس فتاح بە 964ی راگەیاند، کارەبای شوێنەکەیان بڕیوە، بۆ ئەوەی مەترسی بۆ سەر هاوڵاتیان دروست نەبێت.

وتیشی، باشە کارەسات رووینەداوە و زیانی گیانی نییە، هێشتا ناشزانین زیانی ماددی چەندە.

باسی ئەوەشی کرد، چاوەڕێن پەمپەکە لاببرێت و ئینجا سەیری ستوون و کارەباکە بکەین و چی پێویست بێت بیکەین.

پێداچوونەوە: ئەرسەلان عەبدوڵا