جامی چامپیۆنزلیگ فۆتۆ: سۆشیال میدیا
ئه‌مشه‌و دوو تیپ له چامپیۆنزلیگ ماڵئاوایی ده‌كه‌ن
964+
ئه‌رسه‌لان عه‌بدوڵڵا
یارییه‌كانی گه‌ڕانه‌وه‌ی قۆناغی 16ی چامپیۆنزلیگ ده‌ستپێده‌كات و ئه‌مڕۆ و سبه‌ی چوار تیپ ده‌گه‌نه قۆناغی هه‌شت، چوار تیپیش ده‌رده‌كرێن.
ئه‌مشه‌و “سێشه‌ممه 14.3.2024” یارییه‌كانی گه‌ڕانه‌وه له قۆناغی 16ی خولی یانه پاڵه‌وانه‌كانی ئه‌وروپا ده‌ستپێده‌كات و دوو یاری به‌ڕێوه‌ده‌چن.
یانه‌ی مانچێسته‌ر سیتیی ئینگلیزی له یاریگه‌ی خۆیدا له‌گه‌ڵ یانه‌ی لایپزیگی ئه‌ڵمانی یاریی ده‌كات.
له یاریی چووندا هه‌ردوو تیپ به گۆڵێك بۆ هه‌رلایه‌ك یه‌كسان بوون و ئه‌مشه‌و هه‌ریه‌كه‌یان بردنه‌وه تۆمار بكات، ده‌چێته قۆناغی هه‌شت، ئه‌وه‌شی بدۆڕێت، بای بای ده‌كات.
هاوكات سیستمی خوله‌كه گۆڕاوه و گۆڵ له یاریگه‌ی تیپی به‌رامبه‌ر هیچ بایه‌خی نییه و ده‌بێت ئه‌مشه‌و یه‌كێكیان بیباته‌وه.
له یارییه‌كی دیكه‌دا یانه‌ی پۆرتۆی پۆرتوگالی رووبه‌ڕووی یانه‌ی ئینته‌رمیلانی ئیتالی ده‌بێته‌وه.
یاریی چوون به سه‌ركه‌وتنی ئینته‌رمیلان له میلانۆ به گۆڵێك كۆتایی هاتبوو، بۆیه ئینته‌ر به یه‌كسانبوونیش ده‌توانێت بلیتی قۆناغی داهاتوو مسۆگه‌ر بكات.
هاوكات سبه‌ی چوارشه‌ممه‌یش دوو یاریی دیكه له قۆناغه‌كه به‌ڕێوه‌ده‌چن.