"قەت ئەمە وەعز نییە"
سلێمانی؛ چیتر لەبەردەم کارگەکان غاز دابەشناکرێت
964+
دیلان محەمەد جەزا – سلێمانی
ئەمڕۆ کۆتا رۆژە و چیتر لەبەردەم کارگەکان غاز دابەشناکرێت، بەڵکو بەپێی بڕیاری قایمقایەتی سلێمانی دەبێت لە بەیانییەوە هەموو هاوڵاتییەک لەبەردەمی ماڵەکەی خۆی وەریبگرێت و ئۆتۆمبێلەکانی دانەشکردنی غاز بەناو ماڵەکاندا بگەڕێن، هاوڵاتییەکی زۆر لەبەردەم یەکێک لە کارگەکانی دابەشکردنی غاز لە سلێمانی سەرەیەکی دوور و درێژییان بەستووە و لە چاوەڕوانی وەرگرتنی دان و هاوڵاتییەکیش دەڵێت، لە کاتژمێر سێ و نیوی بەیانییەوە چاوەڕێم و هێشتا وەرمنەگرتووە.
پەیامنێری 964 لە بەردەمی کارگەکە چەند هاوڵاتییەکی دواند و یەکێک لەوان، وەزعەکەی هیچ بەدڵ نەبوو و زۆر ناڕازی بوو وتی: “لەبری غاز تەباخی نەوت بەکاردەهێنین و قەت ئەمە وەعز نییە.”.
یەکێکی دیکە لە هاوڵاتییەکان وتی: لە کاتژمێر سێ و نیوی بەیانییەوە لێرەم و تا ئێستا وەرمنەگرتووە، چونکە ماوەی مانگێک دەبێت غاز نەهاتووە، ناچارین زۆر دەستی پێوەبگرین و زۆر زەروور نەبێت بەکارینەهێنین.
ماوەی زیاتر لە مانگێکە و لەگەڵ دەستپێکردنی هێرش و پێکدادانی نێوان هێزەکانی ئیسرائیل و ئەمریکا لەدژی ئەمریکا قەیرانی غاز لە شارەکانی کوردستان دروستبووە و دیار نییە کەی ئەو کێشەیە چارەسەر دەبێت.
پێداچوونەوە: ژێوار خدر
