شەقامى پشتێنەیى کەرکوک
چاڵێک بووەتە مۆتەکەی شۆفێران؛ لە کاتژمێرێکدا شەش ئۆتۆمبێل پەکى کەوت
964+
کاروان ساڵحى- کەرکوک
شەقامی پشتێنەی کەرکوک کە هەولێر، بەغدا و سلێمانی بەیەکەوە دەبەستێتەوە، بەهۆی چاڵ و تاسەوە بووەتە “شەقامی مەرگ”، تەنیا شەوی رابردوو و لە ماوەی یەک کاژێردا، 6 ئۆتۆمبێل لە یەک چاڵدا تایەکانیان تەقیوە.
شۆفێران دەڵێن ئەم چاڵانە مۆتەکەی گیانیانن و مەترسیی کارەساتی گەورەیان لێدەکرێت. لە بەرامبەردا، ئیدارەی کەرکوک رایگەیاند، ئەگەر سبەی دووشەممە پلەی گەرما بگاتە سەرووی 15 سیلیزی، هەڵمەتێکی فراوانی قیرتاوکردن لە رێگەی قەرەهەنجێر – چەمچەماڵ دەستپێدەکات و چاڵەکانی ناو شار و دەرەوەی شار نۆژەن دەکرێنەوە.
پێداچوونەوە: وریا فەتاخ
