پیکابێک خۆی کێشا بە کیایەکی دووتەنی

شۆفێرێک گیانی لەدەستدا و دوو کەسی دیکەش برینداربوون

18:35

964+

ئەحمەد شەمزین – هەولێر

لەسەر شەقامی 150 مەتری هەولێر و بەدیاریکراوی لە نزیك گوندی گەزنە ئۆتۆمبێلیك لە جۆری میتسیۆبۆشی (پیكاب) خۆی کێشا بە بارهەڵگرێک لە جۆری کیای دووتەنی و لە ئەنجامدا شۆفێری پیكابەكە گیانی لەدەستدا.

بەپێی زانیارییەکانی پەیامنێری 964 هەر لە رووداوەکەدا دوو کەسیش برینداربوون و رەوانەی نەخۆشخانە کراون، لە ئێستاشدا پۆلیسی هاتوچۆ و هێزە ئەمنییەکان لێکۆڵینەوەیان لە رووداوەکە دەستپێکردووە.

پێداچوونەوە؛ شۆڕش قادری