"لورە لوری نەبوو، لەناکاو گرمەی هات و بە عەردی کەوت"
پارچەی درۆن دانیشتوانی کۆڵانێکی گەڕەکی زێڕینی لە هەولێر لە خەو کرد
964+
عەبدولعەزیز خالند
درۆن یەخەی هەولێر بەرنادات و جارێکی تر بەم درەنگانی شەوە لە گەڕەکی زێڕین پارچەیەکی کەوتەخوارەوە و دانیشتوانی کۆڵانێکی بەخەبەرهێنا و دەڵێن، دەنگی زۆر بەرزبووە.
پەیامنێری 964 لەو کۆڵانەیە کە رووداوەکەی تێیدا روویداوە و شایەتحاڵێک باس لە ساتی کەوتنەخوارەوە درۆنەکە دەکات و وتی، من لەسەری کۆڵانەکە بووم و سەوتێکی هەبوو هەر نەبوو، فەقیری ئەو شارەی تووشبووە، جامی ماڵم هەموو شکایە.
بەپێی زانیارییەکان تەنیا پارچەکانی کەوتووە و هیچ زیانی گیانی نەبووە، دانیشتوویەکی تری گەڕەکەکەش دەڵێت، لورەی نەبوو راست بە عەردی کەوت.
پێداچوونەوە: پەری ساڵح
