بارهەڵگرێک و تەکسییەک پێکیاندادا؛ دوو کەس گیانیان لەدەستدا

964+

دەریا ئەحمەد – کۆیە

لەسەر رێگای نێوان کۆیە ــ دوکان و لە نزیک گوندی بۆگد، بارهەڵگرێک و تەکسیەک پێکیاندادا و دوو کەس گیانیان لەدەستدا.

رێبوار محەمەد جێگری بەڕێوەبەری نەخۆشخانەی شەهید دکتۆر خالید لە کۆیە بە 964ـی وت، “ئەو دوو کەسەی گیانیان لەدەستداوە، شۆفێر و سەرنشینێکی تەکسیەکە بوون، شۆفێرەکە پێشمەرگە بووە و سەرنشینەکەش کارمەندی تەندروستی بووە لە سلێمانی”.

ئاماژەی بەوەشکرد، لە رێگای چوون بەرەو سلێمانی تووشی ئەو رووداوە بوون.

لە شەو و رۆژی رابردوودا ئەوە سێیەم رووداوی هاتووچۆیە لە سنووری قەزای کۆیە و لەو دوو رووداوەی دیکەدا چوار هاوڵاتی برینداربوون.