سوپای پاسداران: هەر هەوڵێک بۆ نانەوەی پشێوی یەکسانە بە هاوکاریکردنی دوژمن
سوپای پاسداران:
هەر هەوڵێک بۆ نانەوەی پشێوی یەکسانە بە هاوکاریکردنی دوژمن
964+
شۆڕش قادری
ئیتلاعاتی سوپای پاسداران هەڕەشە دەکات و دەڵێت، هەر هەوڵێک بۆ نانەوەی پشێوی یەکسانە بە هاوکاریکردنی راستەوخۆی دوژمن.
ئیتلاعاتی سوپای پاسدارانی ئێران لە پەیامێکی تونددا دەڵێت، بەو پێیەی دوژمن پیلانی بۆ ئەنجامدانی کردەوەی تیرۆریستی و نانەوەی پشێوی لەناو شەقامدا هەیە، هەر جموجۆڵێک بۆ تێکدانی ئاسایش و ئارامی، بە هاوکاری راستەوخۆی دوژمن لەقەڵەم دەدرێت.
ئەم پەیامەی سوپای پاسداران دوای ئەوە دێت کە بەرەبەیانی ئەمڕۆ هێرشەکانی ئیسرائیل و ئەمریکا بۆ سەر شارەکانی ئێران لەوانەش ناوچە کوردییەکان چڕبووەتەوە و سوپای ئیسرائیلێش دەڵێت، ئامانجیان لێدانی بنکە و بارەگاکانی سوپای پاسدارانە.
