بە پاڵپشتی دارایی واشنتن زمانی ئینگلیزی دەخوێنن
پڕۆگرامێکی نوێی خوێندن بۆ ئاوارەکانی شێخان دەکرێتەوە
964+
ژێوار خدر
وێندی گرین، کونسوڵی گشتی ئەمریکا لە هەولێر، بەشداری لە مەراسیمی کردنەوەی پڕۆگرامی پەروەردەیی “ئاکسێس” لە قەزای شێخان کرد، کە تایبەتە بە پەرەپێدانی توانای قوتابییان لە زمانی ئینگلیزیدا و رەخساندنی دەرفەتی نوێی پەروەردەیی بۆ گەنجانی ناوچەکە.
کونسوڵخانەی ئەمریکا لە هەولێر رایگەیاند، ئەم پڕۆگرامە لە لایەن حکومەتی ئەمریکاوە پاڵپشتی دارایی دەکرێت و دامەزراوەی “فری ئێزدی” جێبەجێی دەکات، لە رێی ئەم پڕۆژە دوو ساڵییەوە، زیاتر لە 100 قوتابی بەتوانای قۆناغی ئامادەیی لە قەزای شێخان و کامپی ئاوارەکانی نزیک قەزاکە، دوای خوێندنی رۆژانەی خۆیان خولی تایبەت بە زمانی ئینگلیزی وەردەگرن بە مەبەستی بەهێزکردنی ئاستی زانستییان.
دەشڵێت، مێژووی دوو سەدە و نیوی بەها ئەمریکییەکان وەک پەروەردە و دەرفەتی کار بەرز دەنرخێنن و پیرۆزبایی لە خوێندکارانی بەشداربووی پڕۆگرامەکە دەکەن بۆ ئەو دەستکەوتە گرنگەیان.
