"سەری هێند زلە پێیدەڵێین هێستر"
قازێکی گەورە و سەرزل لە زانکۆی سلێمانی نمایش کراوە
964+
دیلان محەمەدجەزا – سلێمانی
لە زانکۆی سلێمانی پێشانگایەک بۆ نمایشکردنی پەلەوەری جوان و دانسقە کراوەتەوە، قازێکی دەگمەن و گەورەی لێیە، سەری هێند زلە ناویان ناوە هێستر.
کەمال جەلال پەلەوەر فرۆش و خاوەنی قازەکە قسەی بۆ مایکی 964 کردووە و دەڵێت، “قازی کوردییە و لە کۆیە گەورە بووە، دوو جۆر قازی هەنگاری و تۆڵۆسم لێکدایە، ئەو قازەی لێدەرچووە، سەریشی هێند گەورەیە ناومان لێناوە هێستر”.
قازەکە 13 کیلۆ قورسە و مێینەکەشی 70 هێلکە دەکات، نرخەکەشی 200 بۆ 250 هەزار دینار دەکات، وەک خاوەنەکەی دەڵێت، موشتەری خۆی هەبێت، 300 هەزار دیناریشی پێدەدات.
پێداچوونەوە؛ شۆڕش قادری
