دروستکراوی تایبەتی وڵاتەکەیەتی

ئەمریکا لە هەولێر 12 ئامێری مەقەستی پێشکەش بە بەرگریی شارستانیی هەرێم کرد

2026-02-10 | 20:32

964+

فەرهاد حەسەن

بەرگریی شارستانیی هەرێم بڵاویکردووەتەوە، ئەمڕۆ گوێندۆلین گرین، کۆنسوڵی گشتیی ئەمریکا لە هەولێر و شاندێک سەردانیان کردوون و 12 ئامێری مەقەستیان پێشکەشکردوون.

مەقەستەکان، دروستکراوی تایبەتی ئەمریکایە، بۆ بڕین بەکاردەهێندرێن و دەدرێنە دەست تیمەکانی رزگارکردن.

ئاماژەیان بەوەشکردووە، کۆنسوڵیان بردووەتە ئەو شوێنەی کە راهێنانی تیمەکانی پەیمانگای لێ ئەنجام دەدرێت و لەلایەن شارەزایانی فەرەنسی سەرپەرشتی دەکرێن و تیمەکانی هەرسێ پارێزگای هەولێر، سلێمانی و دهۆکیشیان بەسەرکردووەتەوە کە لەلایەن تیمێکی وڵاتی ئیتاڵیا راهێنان لەسەر ئۆتۆمبێلی جۆری پلاتفۆرمی 100 مەتری دەکەن.