بیانین
دوو کرێکارى بیانى لە تەنکەرێکى قیر و ئزوگامدا، خنکان
964+
وریا فەتاح
دوانیوەڕۆى ئەمڕۆ شەممە، دوو کرێکارى بیانى لە کاتى کارکردن لەتانکییەکى دروستکردنى قیر و ئیزۆگام لەسەر رێگاى هەولێر- گوێر، دەکەونە ناو تانکییەکە و هەردووکیان گیانیان لەدەستدا.
بەپێى ئەو زانیاریانەى پەیامنێرى 964 لە شوێنى رووداوەکە دەستى کەوتووە، کرێکارەکان یەکێکیان لە دایکبووى ساڵى (2000)ـە و خەڵکى ئێرانە، ئەوەى تر لە دایکبووى (1996)ـى بەنگلادیش.
لە ئێستادا، تیمەکانى بەرگرى شارستانى لە شوێنى رووداوەکەن و دەیانەوێت تەرمى دوو کرێکارەکە دەربهێننەوە.
پیداچوونەوە: وریا فەتاح
