ئەحمەد شەرع لەگەڵ مەزلوم کۆبانێ. وێنەیەکی ئەرشیفی
دوو رۆژی دیكە جێبەجێ دەكرێت
رێککەوتنی نوێی دیمەشق و هەسەدە بڵاوكرایەوە
964+
ئەرسەلان عەبدوڵا
تەلەفزیۆنی فەرمی سوریا بڵاویكردەوە لە سەرچاوەی تایبەتی خۆیانەوە زانیارییان وەرگرتووە، رێككەوتنێكی نوێ لە نێوان حكومەتی كاتیی سوریا و هێزەكانی سوریای دیموكرات “هەسەدە” كراوە، هەرچەندە هەسەدە هێشتا خۆیان هیچیان بڵاونەكردووەتەوە.
سەرچاوەكەی تەلەڤزیۆنی سوریا ئاشکرایان کردووە، رێککەوتن کراوە هێزەکانی پۆلیس و ئاسایشی سەر بە وەزارەتی ناوخۆی سووریا لەناو جەرگەی شارەکانی حەسەکە و قامیشلۆ و ناوچە ستراتیژییەکانی تر جێگیر ببن بۆ پاراستنی ئارامی و ئاسایش.
هەروەها شەڕڤانانی هەسەدە لە گوند و شوێنەکانی خۆیاندا دەمێننەوە و لەو ناوچانە پاشەکشە ناکەن.
بەشێكی دیكەی رێككەوتنەكە پێكهاتووە لەوەی هەنگاوە سەرەتاییەکان بۆ تێکەڵکردنی هێزەکانی هەسەدە لەناو دامودەزگاکانی دەوڵەتی سوریادا دەستپێدەکات و وردەکارییەکانی لە داهاتوودا بڵاودەکرێتەوە.
تەواوی شەڕ و پێکدادانە سەربازییەکان لە هەموو بەرەکانی جەنگ بە یەکجاری رادەگیرێن.
بڕیار و بڕگەکانی ئەم رێککەوتنە لە ماوەی دوو رۆژی داهاتوودا دەچنە بواری جێبەجێکردنەوە.
