"ئەوان بۆ پاراستنی شەرف و ناموس هاتوون"
خەڵکی حەسەکە بە شایی و گۆڤەند پێشوازی لە گەنجانی هەر چوار پارچە دەکەن
964+
توانا نەقی – حەسەکە
لە ناوەڕاستی حەسەکە شایی و گۆڤەندە و خەڵکی ئەو شارە بە گوڕ و تینەوە و بەدڵخۆشییەکی زۆرەوە پێشوازی لەو گەنجانە دەکەن کە لە بەشەکانی دیکەی کوردستانەوە چوونەتە رۆژئاوا.
گەنجێکی خەڵکی سلێمانی کە پێنج رۆژە خۆی گەیاندووەتە رۆژئاوای کوردستان، قسەی بۆ مایکی 964 کردووە و دەڵێت، “هەر یەکەم رۆژ چەکم هەڵگرت و زۆر موڕتاحم کە چەکم پێیە، لە هەموو بەشەکانی دیکەی کورستانەوە هاتوونەتە ئێرە و بەسەر مێحوەرەکاندا دابەش بوون بۆ بەرگریکردن”.
دایكێکی خەڵکی حەسەکە، ئەو گەنجانە بە میوانی دەلال دەزانێت و دەڵێت، “ئەوانە بۆ پاراستنی شەرف و ناموس هاتوون، جگە لە خۆمان کەس بەکەڵکمان نایەت”.
ئەو داوای یەکڕیزی و یەکدەنگی گەلی کورد دەکات و ئاماژە بەوەش دەکات، کە مۆڕاڵ و ورەی شەڕڤانان زۆر بەرزە و بەباشترین شێوە بەرگری لە خاک و نیشتمان دەکەن.
پێداچوونەوە؛ شۆڕش قادری
