دەوڵەمەندی بە پارە و سەرمایە نییە بەدڵە
مام مەغدید رۆژانە قوتووی بەتاڵ کۆدەکاتەوە؛ هاوکاری کوردانی رۆژئاوا دەکات
964+
رێباز خدر – هەولێر
وەک دەڵێن، دەوڵەمەندی بە پارە و سەرمایە نییە بەدڵە، مەغدید محەمەد هاوڵاتییەکی شاری هەولێرە و رۆژانە قوتووی بەتاڵ کۆدەکاتەوە، بەشداری کەمپەینی کۆکردنەوەی هاوکاری بۆ رۆژئاوای کوردستان کردووە و وەک خۆی دەڵێت، 30 هەزار دیناری پێشکەش کردوون.
مام مەغدید قسەی بۆ مایکی 964 کردووە و هەڕەشە لە ئەحمەد شەرع سەرۆکی کاتی و راگوزەری سوریا دەکات و دەڵێت، “بتگرم دەبێ جەهەننەمت پیشان بدەم”.
چەند رۆژێکە لە هەولێری پایتەخت و زۆربەی شار و شارۆچکەکانی کوردستان کەمپەینی کۆمەک و هاوکاری بۆ کوردانی رۆژئاوای کوردستان راگەیەنراوە.
پێداچوونەوە؛ شۆڕش قادری
