داهاتی ئەم هەفتەیەی سلێمانی و هەڵەبجە زیاتر لە 10 ملیار دینارە

964+

شۆڕش قادری

داهاتی نانەوتی ئەم هەفتەیەی هەر دوو پارێزگای سلێمانی وهەڵەبجە بەهەردوو ئیدارەی گەرمیان و راپەڕینەوە زیاتر لە 10 ملیار و 500 ملیۆن دینارە و بەراورد بە هەفتەی رابردوو کەمێک کەمیکردووە.

ماڵپەڕی شەفافیەت داتا و ئاماری سەبارەت بە داهاتی نانەوتیی ئەم هەفتەیەی سنووری سلێمانی و هەڵەبجە و هەردوو ئیدارەی راپەڕین و گەرمیانی بڵاوکردووەتەوە و رایگەیاندوو، داهاتەکە لە رۆژی 17.1.2026 تا ئەمڕۆ هەینی 23.1.2026، 10 ملیار و 512 ملیۆن و 158 هەزار و 978 دینارە، لەکاتێکدا هەفتەی پێشوو 10 ملیار و 548 ملیۆن و 21 هەزار و 650 دینار بوو.

لە داهاتی ئەم هەفتەیەی پارێزگاکانی سلێمانی و هەڵەبجە، بڕی حەوت ملیار و 461 ملیۆن و 313 هەزار و 921 دیناری بە شێوەی نەختینە و سێ ملیار و 50 ملیۆن و 845 هەزار و 57 دیناریشی چەکە.

ماڵپەڕی شەفافییەت هەموو هەفتەیەک داهاتە نانەوتییەکانی هەریەکە لە پارێزگاکانی سلێمانی، هەڵەبجە و ئیدارە سەربەخۆکانی گەرمیان و راپەڕین دەخاتەڕوو.

ئەو داهاتەی ماڵپەڕەکە ئاشکرای دەکات، لە دەروازە سنوورییەکان، فڕۆکەخانە، گومرگ، کرێی کێش و پێوەرەکان، پێبژاردن و سزای دارایی، پشکنینەکان، رسووماتی بەخشین، ژینگەی ئۆتۆمبێل، تابلۆ و داهاتی شارەوانییەکان، بەدەستهاتووە.

داهاتی ئەم هەفتەیەی سلێمانی 26% کەمی کردووە

بەفر داهاتی نانەوتی سلێمانی و هەڵەبجەی کەمکردەوە