14 ساڵە لە کۆبانێوە هاتووەتە سلێمانی وەک پیشاندانی هێز “کەزی” لە قژەکەی دروستکرد

964+

دیلان محەمەد – سلێمانی

هێڵدا محەمەد، 14 ساڵە بەهۆی ئاوارەییەوە کۆبانی جێهێشتووە و لە قوتابخانەیەکی سلێمانی دەخوێنێت، بەڵام هەمیشە دڵی لای رۆژئاوایە بەتایبەتیش کە ئێستا کەسوکار و نزیکەکانی لە بەرەکانی بەرگرین لەو بەشەی کوردستان.

هێڵدا، بەر لەوەی قسە بۆ 964 بکات تاڵە قژەکانی خۆی هۆنییەوە و کەزی و بسکێکی لێدروستکرد، ئینجا وتی “لای ئێمە کەزی بە مانای خۆئامادەکردن بۆ جەنگ و ئەوپەڕی هێز دێت”.

دەڵێت، دوێنێ قسەی لەگەل کەس و خزمانی کردووە و بەشێکیان لە شەڕدان و بەشێکیشیان بەهحی کەموکوڕی نەبوونی پێداویستییەکان گرفتارن، بەڵام دەڵێت “دواجار ئێمە سەردەکەوین”.

پێداچوونەوە؛ فەرهاد حەسەن