“هیچ هێزێک ناتوانێ كورد بڕوخێنێت”

964+

ئەمەل ناجی – هەڵەبجە

ئەمڕۆ چوارشەممە 21.6.2026 هاوڵاتیانی شاری هەڵەبجەی شەهید بۆ پاڵپشتی كوردانی رۆژئاوا خۆپێشاندانیان دەستپێكرد.

ژمارەیەكی زۆری هاوڵاتیان، كە هاوڵاتی رۆژئاوای كوردستانیشیان تێدایە و لە ناو بازاڕی هەڵەبجە رێپێوان و خۆپێشاندانیان دەستپێكردووە.

ئەوان دروشمی پشتگیرییان بۆ رۆژئاوا و كوردانی ئەوێ بەرزكردووەەوە.

دوو كچی گەنج كە خۆپێشاندەرن، بۆ 964 قسەیان كرد و رایانگەیاند، كورد هەریەكە و هیچ هێزێك ناتوانێت بیڕوخێنێت و لەناوی ببات.

یەكێك لەو كچانە ناوی نەشما بەختیارە و دروشمێكی بە زمانی ئینگلیزی بەدەستەوەیە و لێی نووسراوە “جگە لە چیاكان دۆستمان نییە”.

نەشما خوێنگەرمە و دەڵێت، “پەیامم بۆ دوژمن ئەوەیە هیچ هێزێك ناتوانێت كورد بڕوخێنێت”.

چەند رۆژێكە هاوڵاتیانی كورد لە باشوور و باكوور و هەروەها لە ئەوروپا بۆ پشتگیری لە كوردانی رۆژئاوا دەستیان بە چالاكی مەدەنی و خۆپێشاندان كردووە و پەیامیان بۆ دنیا ئەوەیە، كورد هەموو یەكن و پشتگیری لە رۆژئاوای كوردستان دەكەن.

پێداچوونەوە: ئەرسەلان عەبدوڵا

خۆپێشاندان لە سلێمانی دەستیپێكرد