لە سنووری قادر کەرەم
پێنج راوچی دەستگیر کران
964+
توانا نەقی
مەفرەزەیەکی بنکەی قادر کەرەم سەر بە بەشی پۆلیسی دارستان و ژینگەی قەرەهەنجیر، توانیان پێنج راوچی دەستگیر بکەن کە خەریکی راوکردن بوون بە نایاسایی.
ئەمڕۆ سێشەممە، پۆلیسی دارستان و ژینگەی گەرمیان بڵاویکردەوە، لەکاتی دەستگیر کردنی ئەو راوچیانەدا رووبەڕووی مەفرەزەکان بوونەتەوە و پاشان دەستگیر کراون.
ئاماژە بەوەش کراوە، جگە لە خۆیان، دەست گیرا بەسەر کەلوپەل و کەرەستەکانیاندا کە دوو تاپڕ و چوار لایتی دەستییان پێ بووە.
ئێستا ئەو کەسانە پەڕاوی لێکۆڵینەوەیان بۆ کراوەتەوە و بە فەرمانی دادوەری لێکۆڵینەوەی چەمچەماڵ راگیراون.